影片
更多
2021-04-16
74 浏览
实在太耐无烚下烚下🍲，虽然宜家有好多火锅都有供应外卖，但阿叔👨🏾总觉得有某啲野食系要出街食先够开心，当然最好就系一班人添啦！不过迟啲又要员工打疫苗、食客又唔知够几多个打疫苗先至开放至几多数量，复杂到呢，真系佢先谂得出咁嘅抗疫措施…………………..😒😒😒 言归正传，每次阿叔约呢位靓女朋友👩🏻食饭，大家都会鸡啄唔断🗣，既然有排倾，不如烚住倾，所以就嚟咗呢间位于金马伦道嘅楼上火锅店食晚饭。我哋一行两人火锅前，先嚟整盘刺身拼盘 ($799) 揭开序幕，象拔蚌、金目鲷、油甘鱼等刺身，款款都新鲜爽口、味道清甜，食得好满足🤗。之后就轮到主菜 – 打边炉。打边炉最紧要当然系汤底🥣，经老板介绍吓叫咗野菌黑松露汤锅 ($129)，呢个汤底以大量新鲜菇菌熬制，再加入黑松露，好香之余，饮落味道亦非常浓郁，饮多几碗都唔觉腻。😋😋😋 汤底正之外，都要食材够新鲜，阿叔觉得呢度嘅火锅配料唔单止新鲜，而且都几有特色，好似未喺其他店食过，老板果然出尽心血研究，今次佢特别介绍以下几款畀我哋： 🥟自家制黑松露带子汤包拼自家制蟹皇包 ($119)，两款汤包🥟皮够薄，入边包住好多汤汁，食嘅时候要小心爆汁呀！前者好重黑松露味，而且
言归正传，每次阿叔约呢位靓女朋友👩🏻食饭，大家都会鸡啄唔断🗣，既然有排倾，不如烚住倾，所以就嚟咗呢间位于金马伦道嘅楼上火锅店食晚饭。我哋一行两人火锅前，先嚟整盘刺身拼盘 ($799) 揭开序幕，象拔蚌、金目鲷、油甘鱼等刺身，款款都新鲜爽口、味道清甜，食得好满足🤗。之后就轮到主菜 – 打边炉。打边炉最紧要当然系汤底🥣，经老板介绍吓叫咗野菌黑松露汤锅 ($129)，呢个汤底以大量新鲜菇菌熬制，再加入黑松露，好香之余，饮落味道亦非常浓郁，饮多几碗都唔觉腻。😋😋😋
汤底正之外，都要食材够新鲜，阿叔觉得呢度嘅火锅配料唔单止新鲜，而且都几有特色，好似未喺其他店食过，老板果然出尽心血研究，今次佢特别介绍以下几款畀我哋：
🥟自家制黑松露带子汤包拼自家制蟹皇包 ($119)，两款汤包🥟皮够薄，入边包住好多汤汁，食嘅时候要小心爆汁呀！前者好重黑松露味，而且入边包住大大粒带子。后者阿叔更钟意，只因浓浓嘅蟹膏味，好似食紧蟹粉小龙包咁！🤤
🦐自家制鲜虾莲藕爽 ($89)，超重份量嘅配料，两大块莲藕中间夹咗虾胶，食完真系坚饱架！😏
🐮顶级新鲜手切本地肥牛 ($339)，打得边炉点可以唔食牛架，呢度啲牛肉大大块，色泽红润，脂肪分布平均，食落好重牛味。嚟到必食！
张贴
