影片
更多
2024-04-23
82 浏览
兰桂坊高级、靓装嘅西餐厅多的是，求其揾一间都唔会太差。就好似呢间位于加洲大厦嘅意式餐厅，店内采用欧洲歌剧院设计风格，华丽有气派之余，仲有个小小嘅天台俾大家呼吸外，仲可以饱览埋中环夜景添。🐙Polpo & Caviale ($388)配上奥西特拉鲟鱼子酱嘅烤八爪鱼，肉质软腍，阿叔钟意连埋车厘茄一齐食，咸鲜味又食到点点酸味，唔会过浓。🦞Linguine all‘Astice ($698) 龙虾开边原只上，肉质结实弹牙，仲有唔少虾膏添！扁意粉配上蕃茄酱汁煮成，份量认真唔少，够晒两个人有多。美中不足系阿叔略嫌佢卖相唔够精致，如果摆盘再靓啲就正晒喇！🐑Scottadito d’Agnello ($488) 羊架面头加上香草一齐烧，可配意大利青酱或者酸忌廉一齐食。5大件嘅份量系唔少，不过可惜香草味太强，完全盖过咗羊骚味。🍰Tiramisu ($98)经典提拉米苏味道甜中带苦，口感软滑，今次以高杯装示人，绝对系全晚卖相最吸睛嘅一道菜！
🐙Polpo & Caviale ($388)
配上奥西特拉鲟鱼子酱嘅烤八爪鱼，肉质软腍，阿叔钟意连埋车厘茄一齐食，咸鲜味又食到点点酸味，唔会过浓。
🦞Linguine all‘Astice ($698)
龙虾开边原只上，肉质结实弹牙，仲有唔少虾膏添！扁意粉配上蕃茄酱汁煮成，份量认真唔少，够晒两个人有多。美中不足系阿叔略嫌佢卖相唔够精致，如果摆盘再靓啲就正晒喇！
🐑Scottadito d’Agnello ($488)
羊架面头加上香草一齐烧，可配意大利青酱或者酸忌廉一齐食。5大件嘅份量系唔少，不过可惜香草味太强，完全盖过咗羊骚味。
🍰Tiramisu ($98)
经典提拉米苏味道甜中带苦，口感软滑，今次以高杯装示人，绝对系全晚卖相最吸睛嘅一道菜！
张贴
