影片
更多
2021-10-30
56 浏览
观塘工业大厦真系有好多隐世嘅高质餐厅，今次经朋友介绍下又嚟咗一间平、靓、正嘅日式料理店食晚饭。唔好睇呢间日式料理店外貌不扬，但其实食物质数都唔算差，而且又多选择，烧物、刺身、寿司、锅物乜都有，最紧要价钱大众化，所以见佢哋喺OpenRice都有唔少正评！ 精选二人套餐 (796/2位)，呢个餐有以下前菜、刺身、寿司、热食、锅物同甜品，乜都有啲，啱晒怕烦逐样叫嘅阿叔。 前菜：木瓜沙律配南瓜酱，有少少辣，味道偏浓，十分惹味。 刺身盛：6款刺身包括秋刀鱼、三文鱼、赤虾、帆立贝、赤贝同拖罗。秋刀鱼因为时令，所以非常新鲜肥美；拖罗亦绝对无令阿叔失望，色泽粉红，入口即溶。 寿司盛：套餐包有小肌、碎葱吞拿鱼同埋深海池鱼3款寿司。虽然寿司款式唔算太多，不过有阿叔近期嘅至爱 - 深海池鱼，呢款鱼嘅肉质鲜嫩肥美，油脂够厚，鱼油又香，难怪越嚟越受大家欢迎。 盐烧花鱼：冷盘过后就开始热食，花鱼烧至皮脆肉嫩，记得沾埋特制酱汁，酸酸地更能带出鱼嘅鲜味。 寿喜烧锅物：用上澳洲M9和牛同北海道豚肉，前者牛味浓郁，后者肉质嫩滑，如果多几块就好啰！ 成个餐比阿叔嚟之前想像中好，当然质素未必比起中环区日式料理名店，但以呢个价
精选二人套餐 (796/2位)，呢个餐有以下前菜、刺身、寿司、热食、锅物同甜品，乜都有啲，啱晒怕烦逐样叫嘅阿叔。
前菜：木瓜沙律配南瓜酱，有少少辣，味道偏浓，十分惹味。
刺身盛：6款刺身包括秋刀鱼、三文鱼、赤虾、帆立贝、赤贝同拖罗。秋刀鱼因为时令，所以非常新鲜肥美；拖罗亦绝对无令阿叔失望，色泽粉红，入口即溶。
寿司盛：套餐包有小肌、碎葱吞拿鱼同埋深海池鱼3款寿司。虽然寿司款式唔算太多，不过有阿叔近期嘅至爱 - 深海池鱼，呢款鱼嘅肉质鲜嫩肥美，油脂够厚，鱼油又香，难怪越嚟越受大家欢迎。
盐烧花鱼：冷盘过后就开始热食，花鱼烧至皮脆肉嫩，记得沾埋特制酱汁，酸酸地更能带出鱼嘅鲜味。
寿喜烧锅物：用上澳洲M9和牛同北海道豚肉，前者牛味浓郁，后者肉质嫩滑，如果多几块就好啰！
成个餐比阿叔嚟之前想像中好，当然质素未必比起中环区日式料理名店，但以呢个价钱阿叔又觉得唔差，有惊喜，值得一试嘅餐厅！
张贴
