魂 (已搬遷) 新店位置

见好多报纸杂志推介过......成日想试下。之前平安夜过日未到2点半「截左龙」！无得食。之后去左四次都摸「门钉」。今日12点零去过，又因为电力故障，要4点再开。5点几返去。已经有20几人排。(去到后面印X商店) 我排左10几分钟，店员说有一位坐，我入左去。终于等到了。好快可以点餐。我点了「魂」，硬面。等嘅时候影左d相。里面略为「迫狭」，郁一郁都有d难.....好快5分钟左右有得食。一嚟先饮汤，有猪骨味，够「杰」！面质、玉子、叉烧等材料都尚可。虽则有猪骨汤味，可惜是汤底略为咸，食完过左一阵已经感觉口渴.......失色不少.......希望大，失望大.......总的来说，拉面汤底破坏了一切，再好的材料也是「徒然」......期望店子可以改善。