影片
更多
2019-10-07
2907 浏览
大概4年前到访过「Green Waffle Diner」中环店，以窝夫打响名堂，并做出成绩，仲晌其他区都开咗分店，算喺颇成功喇。相约旧同学午饭聚一聚，就再次嚟到呢度悠闲咁食餐「晏仔」。事隔几年，似乎环境都无乜点变，装修简约清爽，墙上仲喺挂住唔少翠绿植物，感觉悠然。由于店子地方唔算好大，中环食晏时段超多人，有啲心理准备，订咗位都可能要稍等。既然喺嚟食午餐，目标就简单啦，午餐共有5款选择（$70-$90），包餐汤或沙律，A-D餐会送配半客招牌原味窝夫作甜品，+$15可配多一球雪糕，另奉送基本餐饮。枱上放有各种调味料供自由取用，当见到大大支嘅糖浆，就知道嚟呢度唔食窝夫定会有走宝嘅感觉。椰菜花忌廉汤同学喜欢热嘢多过啲生冷嘢，所以，最正路喺拣餐汤，一身雪咁白嘅椰菜花忌廉汤，佢就话口感好柔滑，椰菜花嘅味亦不俗，不过，略嫌下忌廉颇重手，比较上有种好似饮「牛奶」嘅感觉，当然，喜欢浓郁忌廉味嘅客人，睇法就会好唔同。红菜头沙律小弟就想食得清新少少，故此，拣咗沙律。简简单单嘅田园沙律配醇香厚身嘅黑醋，酸香醒胃，再搭上少少红菜头粒粒，清爽怡人，尤其依家都仲喺热热哋，由公司行到过嚟有点热，食个沙律比起饮碗热汤更
事隔几年，似乎环境都无乜点变，装修简约清爽，墙上仲喺挂住唔少翠绿植物，感觉悠然。由于店子地方唔算好大，中环食晏时段超多人，有啲心理准备，订咗位都可能要稍等。
既然喺嚟食午餐，目标就简单啦，午餐共有5款选择（$70-$90），包餐汤或沙律，A-D餐会送配半客招牌原味窝夫作甜品，+$15可配多一球雪糕，另奉送基本餐饮。
枱上放有各种调味料供自由取用，当见到大大支嘅糖浆，就知道嚟呢度唔食窝夫定会有走宝嘅感觉。
椰菜花忌廉汤同学喜欢热嘢多过啲生冷嘢，所以，最正路喺拣餐汤，一身雪咁白嘅椰菜花忌廉汤，佢就话口感好柔滑，椰菜花嘅味亦不俗，不过，略嫌下忌廉颇重手，比较上有种好似饮「牛奶」嘅感觉，当然，喜欢浓郁忌廉味嘅客人，睇法就会好唔同。
红菜头沙律小弟就想食得清新少少，故此，拣咗沙律。简简单单嘅田园沙律配醇香厚身嘅黑醋，酸香醒胃，再搭上少少红菜头粒粒，清爽怡人，尤其依家都仲喺热热哋，由公司行到过嚟有点热，食个沙律比起饮碗热汤更切合需要。
卡邦尼长通粉 $88晌唔少餐厅遇到呢道菜，都有机会见到外表白白，面头放咗只半生熟蛋嘅版本，曾经听过居意一段日子嘅朋友讲，做得正宗而又好嘅卡邦尼喺让蛋浆包实每一条意大利面，但又唔会过熟而起粒，眼前呢碟呢？睇落去个外观掂㖞。
卡邦尼长通粉
$88
59 浏览
0 赞好
0 留言
新鲜杂莓牛油果酱祼麦多士伴哈蜜瓜 $78另一道主食选取祼麦多士，因为，够晒健康吖嘛。涂上厚厚嘅牛油果蓉，面头再放上大量蓝莓及士多啤梨，卖相缤纷吸引。
大口咬落去，祼麦多士好有咬口，又有麦香，外皮仲脆口添；而杂莓同牛油果就令到食味好清爽，配合埋件多士，令口感富层次。伴哈蜜瓜稍嫌单调啲，但查实啲哈蜜瓜好香甜。
窝夫伴朱古力雪糕 +$15我哋𠮶两客半份窝夫，其中一份加咗雪糕球，当睇吓得唔得，而雪糕球一喺云呢嗱，一喺就朱古力口味。窝夫做得好松脆，入口软绵绵，切为小件，伴上忌廉同雪糕，再淋上大量糖浆，喺美妙嘅结合；再者，球朱古力雪糕好浓郁，挺身而软滑，相信喺啲有名气嘅品牌。
热咖啡、热柠茶餐后，最想叹番杯芳香馥郁嘅咖啡。虽然，今次唔喺平常喜爱嘅鲜奶咖啡，但啲豆应该都喺靓货，所以，咖啡入口好醇和，好舒服。
叹埋杯咖啡都仲未够钟返公司，可以继续坐多阵，多谈一下近况，以及身边所认识旧同学嘅事情，先知，呢刻大家都面对好多困难，希望，一切事情都可以雨过天清。温馨提示，餐厅虽然有得订枱，但旺起上嚟订咗都要等吓位。
张贴
