影片
更多
2024-11-15
2247 浏览
轮到老婆餐生日饭，其实都几难谂，佢唔喺追求奢华𠮶一类，所以，唔使专登揾啲贵一贵嘅，反而，揾到啱食就可以喇。佢除咗偏素，近来，仲发现原来佢喺要食无麸质嘅嘢，否则，食咗小麦、大麦做嘅食物，就会出现皮肤痕痒。早前去Airside食嘢，就无意中发现「Grind and Brew」，喺一间提供无麸质食物嘅小店。餐厅采开放式设计，所以，晌铺外已经睇匀晒成间铺喺点。装修简约，座位唔多，墙上挂有少少画作点缀，又有啲盆栽衬托吓。另一边，货架之上，有多款无麸质嘅产品散卖，更有啲产品喺照顾到毛孩嘅需要。翻开餐牌，先有无麸质嘅介绍，之后，就有各种咖啡、特饮、甚至乎餐酒都有，另外，仲有主食、轻食类。可惜佢哋无套餐选项，样嘢都喺散点。虽然，餐牌无显示甜品，其实，是日有供应嘅甜品就放晒晌出门冻柜，造型颇为精致。此外，可能店内座位少，所以，都有设用餐时限，不过，人唔多就唔会点执行。Seafood Curry Pasta $158原来，无麸质意粉会比较易断，同埋韧啲，晌餐枱一角已有温馨提示。我自己都食过一次无麸质蛋糕，喺有啲唔一样，比一般嘅蛋糕会干啲。讲番碟意粉，卖相就做得几靓仔架，不过，比起餐牌嘅图片就差咗一大截，起
餐厅采开放式设计，所以，晌铺外已经睇匀晒成间铺喺点。装修简约，座位唔多，墙上挂有少少画作点缀，又有啲盆栽衬托吓。
另一边，货架之上，有多款无麸质嘅产品散卖，更有啲产品喺照顾到毛孩嘅需要。
翻开餐牌，先有无麸质嘅介绍，之后，就有各种咖啡、特饮、甚至乎餐酒都有，另外，仲有主食、轻食类。可惜佢哋无套餐选项，样嘢都喺散点。
虽然，餐牌无显示甜品，其实，是日有供应嘅甜品就放晒晌出门冻柜，造型颇为精致。
此外，可能店内座位少，所以，都有设用餐时限，不过，人唔多就唔会点执行。
Seafood Curry Pasta $158原来，无麸质意粉会比较易断，同埋韧啲，晌餐枱一角已有温馨提示。我自己都食过一次无麸质蛋糕，喺有啲唔一样，比一般嘅蛋糕会干啲。
讲番碟意粉，卖相就做得几靓仔架，不过，比起餐牌嘅图片就差咗一大截，起码啲大鱿圈就变咗碎湿湿嘅鱿鱼仔。估唔到，啲咖喱几有辣劲，亦算喺几香，海鲜料就少少偏少，至于啲意粉，喺有少少碎，但就唔算好韧，跟平常食嘅差唔多。
Mentaiko Crab Meat Pizza $138而我拣嘅薄饼，就只喺话纯素批底，唔喺无麸质，所以，老婆喺咁二试少少就算。大概喺8吋大批底，厚薄介乎厚批、薄批之间，睇落馅料确喺几多，一啲都无手紧，但其实里面蟹肉唔算好多，不过，加咗明太子，咸咸香香，味道真喺几好食，批底都松软。
Latte $42最后，再叹番杯至爱嘅鲜奶咖啡，咖啡表面好平滑，拉花亦都好靓仔，线纹细致。完全无搅过，饮落口感平匀，而且，咖啡香气醇和，喺冲泡得好有水准。
今次都喺小试这种餐厅，对无麸质食物都心里有数，所以，亦无话有咩太大感受。不过，知道有唔少人对麸质有敏感，呢类餐厅嘅出现确喺为佢哋带来喜信。
张贴
