薀莎餐廳 (已結業)

黎到唔熟悉的马安山, 夜晚个餐唔知去边度食, 见呢间餐厅睇落ok, 就入黎食饭. 原来佢同椰林阁是同一集团的, 起初见到都不以为意.叫左个夏天的新菜式, 系一个同鲜果一齐炒的意粉. 味道甜甜酸酸, 几开胃. 我食到差唔多一半, 见朋友的烧春鸡餐仲未到, 先突然醒起, 椰林阁(无论系边一间椰林阁) 都系成日漏单的, 试过有一次我同细佬食晒所有野, 妈咪既沙律都未到, 不断催佢都无用. 今次突然醒起, 马上叫朋友催下佢. 点知听到隔离枱有位太太好不满地大大声同个waiter 讲: 我地等左四十五分钟咧, 你个d食物又唔系有咩咁特别, 只不过系牛排, 都无技巧既, 你都做唔到, 浪费我地既时间! 然后大吵话要埋单, 后来个waiter催服佢再等一阵. 经过此扰攘后, 朋友的食物再要等多十五分钟先到. 唉, 唔系专登想话佢, 不过佢既system 真系有好大问题, 有咩理由烧春鸡呢d一早整好既野都要等咁耐, 而且仲要唔好食. 见到佢d waiter 个个围住个厨房等出食物. 唉,真系唔好再帮衬.