佐賀山田 · 涮涮鍋 (已結業)

今日同朋友去太古，食左呢间喺地铁站附近，位于康怡广场嘅火锅店—佐贺山田•涮涮锅。餐厅入面装潢简洁，好光猛又阔落。我哋坐喺沙发位，唔会话好近隔离D食客，食得舒服。铺头好大空间，多左人嚟食都唔会好嘈。我地试左小食，包括唐扬炸鸡、章鱼烧、炸带子同咖喱饭，可以一件件叫贪心试多d野。我地系食美牛三重奏—晚市极级美国和牛&牛小排放题，90分钟有成七款肉类俾我哋任食，正呀！美国SRF和牛薄切有好香嘅牛味，吸左寿喜烧风味汤底同埋完熟蕃茄汤底D味，好惹味呀！除咗可以QR code落单之外，出边仲有冻饮、蔬菜、雪条同埋甜品柜，全部任食超抵！同埋最抵赞系佢有樽装水攞，好少见。最后食咗条明治雪条，打边炉即刻食冻嘢，正呀！