一鼎‧台式火鍋 (MOSTown新港城中心(4期))

营业中

休息中

平时食火锅多数都系一大班人，然后叫多个汤底又或者点个鸳鸯汤底一齐share咁。不过有时人少少，想试多款野，又或者唔想同人口水交融，一人一锅就系一个好好嘅选择。一鼎台式火锅有多款汤底选择，蕃茄又有、麻辣又有、鲣鱼都有，款款都十分有特色。值得推介一下佢地嘅《澳洲纯和牛餐或澳洲200日纯谷饲牛餐》，咁200日纯谷饲牛当然系任食啦，肉质鲜嫩牛味浓，真系食到停唔到口。此外，仲有牛舌同豚肉等，总有一款啱你。除左牛之外，打边炉当然唔少得海鲜啦，带子大大粒，肉质饱满鲜甜，仲有爽口弹牙嘅鱿鱼，真系超级正。而且仲有多款饺类同滑，款款都充满台湾特色。另外自助嘅有多款蔬菜、丸类同粉面，满足唔同人嘅需要。值得一提嘅系，除左雪柜嘅饮品任饮，仲可以免费order台式饮料，就连生啤都可以任饮，真系超级爽。打完边炉当然要食返杯雪糕又或者order个台式糖水食下啦，个餐都系包埋架。