8鍋臭臭鍋 (金巴利道) (已結業)

好肚饿，八点几先收工嚟到，门口有个电脑攞筹机，方便唔使争。地方都几大，好多座位，枱枱都一人一锅，但无焗束，无大烟。一坐底就叫咗嘢饮顺下条气先，苹果红茶唔会太甜，茶同苹果味平衡，冰凉入心。见到隔离枱啲㶽都几大个，所以只系点咗一个小食，麻辣鸭血。好好食，劲入味，又有口感，爽爽弹牙，少少辣唔会食唔到。锅未到仲试埋四款汁酱，蒜蓉同有个类似XO酱系我最钟意我嘅招牌臭臭锅，汤底清而带小小酸，醒胃，料多到好似寻宝。当中贡丸，蚬仲有臭豆腐我都好钟意。朋友的蕃茄锅，酸甜浓郁，都好好食。跟锅可选粉丝或饭，中国人点都要食口饭先觉得完满。