影片
更多
2018-07-19
28 浏览
今日喺尖沙咀行街，经过金马伦道，见到依间新开既臭臭锅，见佢装修都几企理，于是心血来潮就入咗去食依家臭臭锅喇！入到去，店面都算阔落，而且啲冷气抽风都几好，唔会有好大阵混浊嘅火锅味。而且店员安排咗卡位俾我地坐，令我地坐得比较舒服。餐牌入面既火锅有8款，除咗火锅之外，亦有卤肉饭餐，岩晒啲无饭不欢嘅朋友！而餐牌最后，当然亦唔少得各款林林种种嘅台式饮品！我叫咗一款药膳羊肉锅，而朋友叫咗一个台式麻辣锅！我个药膳羊肉锅锅物十分丰富，入面有：娃娃菜、金针菇、羊肉片、炸支竹片、冬菇、萝卜片、粉丝、蚬、贡丸、粟米、玉子豆腐、鸣门卷！个锅嘅药膳味几香亦唔会太浓，饮落感有啲似肉骨茶，而羊肉片新鲜，骚味唔会太浓，其他配菜丰富之余亦同个汤底好夹，唔错！而朋友嘅台式麻辣锅，锅物内容非常有特式：娃娃菜、金针菇、麻辣饺、芽菜、猪大肠、米血糕、鱿鱼、牛柏叶、笋片、鸭血、公仔面、肥牛、鸣门卷！至于个卤肉饭，睇落去相当有光泽，未食已经令人流口水！咬落口卤肉肥而不腻，卤肉汁亦非常香甜，好吃！麻辣锅汤底比药膳汤更为浓厚！而且多咗阵阵麻辣香味，食落相当刺激！
入到去，店面都算阔落，而且啲冷气抽风都几好，唔会有好大阵混浊嘅火锅味。而且店员安排咗卡位俾我地坐，令我地坐得比较舒服。
餐牌入面既火锅有8款，除咗火锅之外，亦有卤肉饭餐，岩晒啲无饭不欢嘅朋友！而餐牌最后，当然亦唔少得各款林林种种嘅台式饮品！
我叫咗一款药膳羊肉锅，而朋友叫咗一个台式麻辣锅！
我个药膳羊肉锅锅物十分丰富，入面有：娃娃菜、金针菇、羊肉片、炸支竹片、冬菇、萝卜片、粉丝、蚬、贡丸、粟米、玉子豆腐、鸣门卷！
个锅嘅药膳味几香亦唔会太浓，饮落感有啲似肉骨茶，而羊肉片新鲜，骚味唔会太浓，其他配菜丰富之余亦同个汤底好夹，唔错！
而朋友嘅台式麻辣锅，锅物内容非常有特式：娃娃菜、金针菇、麻辣饺、芽菜、猪大肠、米血糕、鱿鱼、牛柏叶、笋片、鸭血、公仔面、肥牛、鸣门卷！
至于个卤肉饭，睇落去相当有光泽，未食已经令人流口水！咬落口卤肉肥而不腻，卤肉汁亦非常香甜，好吃！
麻辣锅汤底比药膳汤更为浓厚！而且多咗阵阵麻辣香味，食落相当刺激！
张贴
