包羅萬有(萬友)火鍋 (已結業)

刚刚从澳洲返来兼隔离14 日后, 去疯狂式消费吧！就和另一老友 Old mate 去吹水吧！佢就住在铜锣湾附近，唯有又舍远图近，就在谢菲道新开的包罗万有火锅任饮任食打边炉吧！入到去，原来系一人一锅嘅打边炉，呢个时势，合晒我荷车及口味，稍后道出原因。我就试蕃茄茨仔洋葱汤底，我老友就试麻辣汤底，汤底落足料，绝无欺场，亦无揸流滩！汤底及酱料亦有各10 种俾我拣！可能新开的关系，先赢口碑卦！我老友嘅麻辣汤，食到要喷火，有无咁夸张！？肥牛及猪腩肉，师父要记一功，厚薄适中，放入汤底后，很快就熟，入口几乎即溶化。其他配菜又新鲜，饮品又任取任饮，唯一美中不足之处，款式不够多，可能仍在试业，希望尽快加多啲品种，尤其是我系甜品控，下次一定再来试！！其实做打边炉生意，最紧要<鲜>字，佢地可以做到！试业期间，晚市仲有七折优惠，二个人埋单都系240 个大洋咋！午市好似话亦做紧七折，约 78蚊一位，简直系茶餐厅价钱！！我仲意一人一锅的原因，可随自己喜好选择汤底，毋须刻意迁就而叫鸳鸯汤底，也不用担心别人灼煮自己不喜爱的食品而破坏了整锅汤的味道。 酱料自助柜亦可方便人客自行混酱，混出最适合自己的口味。