8鍋臭臭鍋 (金巴利道) (已結業)

星期六下午时间唔需要排队，一入餐厅门口已经闻到好大阵臭豆腐味。餐厅一共有9款锅套餐，午餐时间$88，晚餐好似要$108，有锅+饭或粉丝+红茶或绿茶。我同朋友都点左招牌臭臭锅，可以选择辣度，因为第一次食所以我拣咗小辣🌶。材料好丰富，有臭豆腐、大肠、猪红、贡丸、猪肉片、米血糕等等，好有台湾风味。仲有大量嘅蔬菜，感觉上健康啲。一上锅已经闻到好大阵「香」味汤底有少少臭豆腐味，辣度温和，煮到啲料好入味，唔需要点酱都已经好好食。另外加左＄5转珍珠奶茶，味道不错！个锅其实好大个，加上成碗白饭同一杯饮品，真系超饱肚。下次会想试下台式麻辣锅同芝士牛奶锅。