煮道 (已結業)

叫得一人一锅，当然要顺应独身潮流一个人去食。平日夜晚八九点抵达，人去楼空，得番几枱食紧。侍应服务欠佳，企咗向道两分钟都冇个理我，唯有自己揾位坐，坐落点知张枱未抹干净，整污糟咗个银包。点咗个精选锅配安格斯牛肉，汤选四川麻辣，加点奶茶(珍珠卖晒！)。机械人送餐，其实只系送到路边，仲要只讲普通话，大扣分。先讲奶茶：完全系台式奶茶，中规中举，冇乜得别，唔好太大期待。到麻辣锅。初时饮落啲汤好似冇乜味，但系煮煮下愈嚟愈有味，香味有少少唔够，但系麻味够晒，唔止得个辣字，算系好食嘅麻辣锅。附送嘅安格斯牛肉，切得厚薄适中，而且肉质甚高，有口感，唔会韧。不过份量唔算多。另外附送嘅丸都各有特色，全部都会爆酱，请期待。结论：算系好食嘅火锅店，而且价钱公道，无论单人多人都值得一试。