牛摩 (屯門時代廣場南翼)

营业中

休息中

天气开始转冻，打边炉真系啱晒。行过呢间火锅放题餐厅，畀佢嘅装饰及套餐吸引咗。餐厅主打熊本牛，套餐级数由LV. 1-6，价钱丰俭由人。汤底总共有9款选择，门口拣咗套餐同汤底后就可以入座。拣咗LV. 2 精选牛肩胛套餐，汤底拣左咗美人骨胶原白鸡汤同麻辣鸭血锅，一人一锅够晒滋味。餐厅中央位置系自助区，提供超过30款火锅配料及多款不同食品，包括有各式配菜例如；丸类、鱼腐、粉面等，仲有唔少熟食如寿司、沙律、响铃等等。饮品分别放于三个大雪柜内，柠檬茶、无糖茶、汽水及其它饮料都应有尽有，呢度嘅乳酪雪糕真系不妨一试，北海道低脂乳酪奶味浓郁，好开胃。仲有好多其他款式嘅甜品，例如：新鲜爆谷、泡芙同糯米糍，选择都唔少。总括而言，呢度绝对系一个令你食得尽兴嘅地方。无论系牛肉、海鲜、肉类抑或配料，都总会有你想食嘅食物，钟意日式火锅放题不妨一试。