8鍋臭臭鍋 (金巴利道) (已結業)

天气热辣辣最好就系开着冷气打边炉。喺尖沙咀行吓行吓见到呢间台式火锅店，入到去坐低呢度冷气够晒强劲。睇吓餐牌先，原来呢度系一人一锅，仲有珍珠奶茶饮。侧边已经放咗配料自己落。芝士牛奶锅，个汤底好浓郁，锅物同汤嘅比例啱啱好，听讲呢度嘅食材大部份系台湾入口，食物质素好好，唔会预热太多，上枱后再点火，热一阵就食得。朋友个蕃茄白豚锅都好靓仔，d食材放得好齐，我最欣赏既系，一路食，食到中段，d火就自己开始收细，应该系燃料开始用尽，d食物唔会煮到过晒龙，真系想得好周到。一个锅有得跟饭或者粉丝。蜜味台湾肠好好食。香芋珍珠奶茶同埋冬瓜茶，真系饮到台湾既味道，甜度适中，珍珠弹牙。系度叹住冷气，饮埋冰冻既冬瓜茶，呢个火锅好满足。