開爐重慶老火鍋

营业中

休息中

今日同老公、仔仔、奶奶一行四人首次惠顾，叫咗三个一人午餐锅再加碟莴苣。一人锅包括菜篮（生菜、鸭血四片、粟米两旧、南瓜三片）、手打丸（牛、鲮鱼、虾各二）、主菜（拉面、红薯粉、苕粉、白饭四选一）、配菜（牛肩、猪肉、羊肉三选一，安格斯加$10）同饮品（汽水，特饮加$12-$30）、汤底（蕃茄、重庆麻辣、山珍鲜菌）。菜篮同手打丸都好鲜，似乎并非隔夜货。主菜试尽三款面，红薯粉劲快熟需要快手处理，拉面亦似新鲜货需要时间烹煮，苕粉最有惊喜，应该系薯粉表亲，口感一样但厚啲阔啲，滑亦不烂。猪肉、牛肩正常货，安格斯就食出另一层次。蕃茄汤底浓郁偏酸，麻辣就有正常so味。莴苣鲜甜，正。$88一锅，莴苣$28，免茶免加一。抵到烂，一定会再帮衬。