富臨薈 (已結業)

今日佛诞，港铁做紧全线半价嘅优惠，所以有几远去几远！妈咪想食乳鸽，就咁系网上搜寻沙田乳鸽就见到哩个$29.8一只嘅抵食烧乳鸽。临出闸之前，打电话问一问个优惠仲有冇做先，同埋洗唔洗book台，确认好就可以出闸！沙田A3出口其实唔系真系出口，入左新城市广场之后，系右边一道侧门，通过一条走廊过去伟华中心，经过炑八前行就系富临荟。环境唔错，有d似新式嘅点心餐厅，见到有一笼精致嘅点心鸟笼。坐底都系好似点点心咁有点心纸比你剔，茶用金色茶壶，不过小心热，因为系金属，掂到茶壶面会辣亲。我地两个人叫左两只乳鸽，每人限买一只。多肉多汁，不过妈咪觉得可以再炸耐d等佢香脆d，但系$30黎讲真系抵！见到台台都必食！另外叫左樽1664啤酒送。砵仔猪油捞饭系怀旧之选，勾起妈咪嘅回忆，热辣辣系砵仔度刚刚蒸好，配上一小碗豉油。油分够多，但系略嫌猪油味唔够，不过都算好味嘅。最后叫多左个炸豆腐小食，够热，皮够脆，粉浆里面仲有d黑芝麻，咬落好香，系有少少唔够咸，当小食送啤酒都可以。