諾亞半熟蛋糕專門店 (已結業)

记得第一次食诺亚原味半熟蜂蜜蛋糕，惊为天人，𠮶阵台湾茘枝蜜清甜，完全乎合甜而不腻的味道，虽然出左N个新口味款式，但依然都情有独钟。之但系一个人真系食唔晒一个，而且切左之后唔即时食的话，系唔会想再掂佢....最近出左一人份的份量，仲有个 忌廉哥 的杯，咁啱我出去旅行前整烂左个杯，所以忍不住买左一对返家品尝！虽然杯的正反两面都印左诺亚的Logo,但整体都好得意唔会好抢眼！返到屋企，急不及待要自私食左原味先！系我钟意的清甜台式荔枝蜜，食返第一次的味道，好似初恋咁，因为之前曾经转过蜜糖，一食就感觉到唔同左味，𠮶下都几失望！杯装份量大概系去到杯身的一半，唔会太多，半熟质地流心富蛋香，一人份量啱啱好！朱古力半熟蛋糕质感比较笠身偏甜，两者份量相若，都系两三啖就KO，如果两款来说，我会喜欢清甜不腻的原味多啲！个人觉得杯装比原个更易掌握到半熟效果，而且份量只系两三啖KO，食完仲有个杯留念，都唔错吖。