8鍋臭臭鍋 (金巴利道) (已結業)

见到呢到主打台式火锅，好似几有趣。有成9款锅物比你简，最后试左芝士牛奶锅，可以简配饭/粉丝，我就简左粉丝。等左5-10 分钟就会上菜，职员会帮你点火，呢到要比少少耐性等佢滚。叫左牛奶锅，汤底奶白色，重奶味，岩晒我口味！因为同朋友黎食，都叫左d小食，叫左盐酥鸡同炸花枝丸。花枝丸有6粒，算系几抵食。上面有本身调好既酱，酸酸甜甜既，几开胃。 呢到有好多款台式饮品，最后简左香芋奶茶，佢系用外卖包装比你，好似台式饮品店个种包装，饮唔晒方便带走继续饮。个锅入面都有好多料，就算唔叫小食都绝对够饱。 最特别系个蛋饺，同平时食开既饺子唔系好一样，个皮用蛋整，都几得意。豚肉都有好多块，菜都有唔少。感觉上有菜有肉，食落冇咁油。