薩莉亞意式餐廳 (天澤商場)

营业中

休息中

今晚得自己一个食饭，谂唔到想食咩，落街逛一逛，醒起好耐冇食萨莉亚，近排又想储下钱，就食平靓正萨莉亚啦！平时都系食开意粉，今晚突然想试个鸡扒，但系冇淀粉质怕唔饱，就叫多个菜啦！鸡扒用热辣辣铁板上，肉嫩多汁，加埋上面嘅洋葱同蒜，真系好滋味！旁边嘅粟米干身左少少，不过都够甜。可惜三只薯角就逊色咗啲，太干，同埋冇乜味。野菌西兰花好好食，有蘑菇、草菇、冬菇片，美中不足嘅就系油咗啲，可以落少啲油嚟炒就好了！可能因为近排疫情严重，一向受欢迎嘅萨莉亚都冇人排队，一行入去就有位坐。知道佢哋生意应该大受影响，好在服务质素都仲OK，食物嚟嘅速度都算快。