新森林焗之專門店 (已結業)

天气开始冻，烚下烚下既气氛愈来愈浓厚，一两个人最方便当然系揾一人火锅，平时一人火锅只会谂起大型连锁店，而家连新森林都有，又多个选择新森林一向都系焗饭为主, 焗饭款式好多，性价比高，今次有埋火锅，又多个去既原因虽然系一人锅，但佢非常灵活，汤底、主食、配料、面食、追加、以至饮品都可以自由配搭，唔会只有两三款拣，唔怕一样岩食另一样又唔岩食，但系有选择困难症既人就可能有排拣啦 汤底都有5款选择，少有在一人火锅出现既椰子鸡汤竟然都有，真系好有惊喜，所以我今次就拣左椰子鸡汤 锅既大细都系一般一人锅既大小，但系锅里已有好多椰菜同金菇，仲有粟米，所以除非好钟意食金菇粟米，否则都唔需要再系配料叫呢啲 椰子鸡汤有好多椰子，饮个汤底好清甜，有椰味，但要留意汤里本身无鸡件附送的，所以钟意食鸡既朋友要在主食拣鸡啦 主食可以拣滑鸡同肥牛，由于朋友唔食牛, 我就拣左鸡，衬返个椰子鸡汤，如果主食有埋猪就更好啦，鸡件份量几多，食肉兽们唔怕唔够食啦 至于配料，选择有16款之多，应有尽有，少见既鱼肚同鱼片头有，系众多选择中我拣左韩国溜心年糕、准山竹轮春卷同埋香菇贡丸 溜心年糕有两只色，紫色系紫薯心，白色系芝士，好黏韧，唔会