知魚知樂

营业中

休息中

系大围揾有咩食嘅时候路过见新开入去试吓，有两层，楼上都有位，个冷气好废，都几热，食辣嘅话真系唔掂，有其他客话热，店员就调咗佢哋上楼上。我哋只系入嚟快食个下午茶，就坐楼下冇所谓啦，下午茶有一人烤鱼餐，配白饭，就冇饮品，要加钱。鱼米线餐就有饮品。呢个系一人烤鱼餐 椒辣唔酸的，辣都唔系好辣，因为叫咗小小辣。鱼系片咗一半，所以唔系真系好大条，但下午茶嚟讲差唔多。真系有个炉著住热住条鱼，不过好快个火就熄咗，都系做下样，本身条鱼都一早熟晒。鱼番茄汤米线番茄汤偏酸鱼肉中等，唔算系劲淋，有少少骨，米线份量唔算多唔知点解送咗一小碟冷云耳饮品搞笑，什么汽水都没有，只有一款特饮，问佢特饮系咩佢话柚柑，推算系柚子柑桔柠檬，不过全部冚好晒可以攞走饮纯粹行过入去试吓，睇番openrice先发现咁多内地人都比好评话好食，但香港人好似普遍评价一般。我隔离枱一对男女，叫咗一大盘酸菜鱼定辣鱼，净系食咗两啖就冇再食，又话薯粉变味要换🤔🤔个人觉得比较热，食普通鱼都唔得，食辣更加热。