燒肉 DON DON

营业中

休息中

今日下午要到太子旺角工作，所以有得放早食饭 出旺角揾食，行咗去女人街，见到间一人日式烧肉，就入去试试。 话说孤独等级有1至10级，自己一个打边炉系第5级，我谂烧肉同打边炉都差不多，呢啲应该一大班朋友先至高兴嘅活动，自己一个我都系第一次试，但系又唔觉得尴尬㖞。 呢度装修灰色为主，工业风。个炉细细哋几cute 。 可以手机落单，几方便，仲有冷热水自助，几好。午市有套餐，3拣1，$50，无加一，都几抵。我选咗牛肩肉拼猪五花套餐。前菜有菜丝沙律或者泡菜，我选择左泡菜。 成个套餐除咗有牛肩肉，猪五花同前菜外，仲有一碗白饭同埋一碗汤，有啲红萝卜同白萝卜，仲有啲牛腩条。 酱料都有几多选择，5款俾你拣，如果想食原味可以加岩盐同黑胡椒就ok。肉方面，牛肩肉有4片，猪五花有6片，$50旺角区可以自助烧肉食个午餐，仲可以一次食2款肉可以过吓口瘾，都算唔错选择。