自助燒 SO GRILL (已結業)

清假留喺屋企，闷闷地又唔想去咁远，就睇下楼下有咩好食。经过见到呢度有一人韩烧套餐，谂起之前Facebook睇过有个讲毒_指数嘅post其中有「一人个食韩烧」，但我反而想试下㖞！ＸＤ晏昼唔系好多人，而且因为一个人，唔驶等就有位坐了。佢有三款拼盘拣：什锦、海鲜、纯牛，而我就拣咗牛肉，跟一碗紫菜乌冬（或者炒饭），仲有汤同嘢饮。纯牛拼盘有唔同部位嘅牛肉，配芝士肠同粟米。乌冬够弹牙，跟一包wasabi，捞落个汤度会比较好食。一个人食放题又太饱啦，估唔到自己一丁友落楼食饭都有得夹下夹下烧肉食，呢个餐$58食到烧肉其实好抵，仲要原来Lunch period唔洗加一，喺香港好难得了。