影片
更多
2021-10-21
5313 浏览
好多人会认为咖啡与中餐系两码子既事 - 始终一讲到中餐相关既饮品，除左中式茶外最多都只系红白酒等等，而咖啡只会被人联想到同西方文化相关。Nutmad 本身都会有自家烘焙既咖啡豆，而Nutmad大厨Joe就借今次Coffee Agenda为大家带黎以咖啡去享受中餐呢个新尝试。响餐室坐低后，店员就主动介绍今次一人餐室既主题菜单，虽然今次主题系以咖啡带出中餐味道既套餐，但其实店员都理解每位客人对食物有不同喜恶，所以都特登附设散叫既价钱作参考。究竟酸苦咸甜既主题点样利用咖啡去增强或者带出另一种风味？相信上图既介绍就会帮到大家更易了解! 店员都有主动去介绍佢地既理念 - 除左令每位享用既客人都有「一个人原来都可以尽兴」外，就系想大家响忙碌中有个机会去放松自己，尽情利用咖啡既辅助去感觉更多既味道。首先第1道菜式「山楂话梅腌渍车厘茄﹑鲜淮山﹑沙律」，配肯亚手冲咖啡。鲜淮山作为清新既味道作为开始，食落去爽口，再加少少菜一齐食，健康得黎口感又舒服! 整个沙津重点在于话梅，利用话梅少少酸既汁腌响车厘茄，味道唔会太酸，感觉似香味多于酸味!至于肯亚手冲咖啡，由于肯亚既咖啡一向都以比较平实为主，果酸味唔会太浓烈
好多人会认为咖啡与中餐系两码子既事 - 始终一讲到中餐相关既饮品，除左中式茶外最多都只系红白酒等等，而咖啡只会被人联想到同西方文化相关。Nutmad 本身都会有自家烘焙既咖啡豆，而Nutmad大厨Joe就借今次Coffee Agenda为大家带黎以咖啡去享受中餐呢个新尝试。
响餐室坐低后，店员就主动介绍今次一人餐室既主题菜单，虽然今次主题系以咖啡带出中餐味道既套餐，但其实店员都理解每位客人对食物有不同喜恶，所以都特登附设散叫既价钱作参考。
究竟酸苦咸甜既主题点样利用咖啡去增强或者带出另一种风味？相信上图既介绍就会帮到大家更易了解! 店员都有主动去介绍佢地既理念 - 除左令每位享用既客人都有「一个人原来都可以尽兴」外，就系想大家响忙碌中有个机会去放松自己，尽情利用咖啡既辅助去感觉更多既味道。
首先第1道菜式[酸]「山楂话梅腌渍车厘茄﹑鲜淮山﹑沙律」，配肯亚手冲咖啡。
鲜淮山作为清新既味道作为开始，食落去爽口，再加少少菜一齐食，健康得黎口感又舒服! 整个沙津重点在于话梅，利用话梅少少酸既汁腌响车厘茄，味道唔会太酸，感觉似香味多于酸味!
至于肯亚手冲咖啡，由于肯亚既咖啡一向都以比较平实为主，果酸味唔会太浓烈情况下配以沙律，唔会有喧宾夺主既情况，反而味道上会令怕酸既朋友觉得有中和作用，但如果以小编对山楂味道还可以既话，就会令山楂味更突出!第2道菜式为[苦]「虾胶酿苦瓜﹑莲子芯鸡高汤」，配冷泡埃塞俄比亚耶加雪夫咖啡。
首先讲讲莲子芯鸡高汤，虽然店员直接淋于苦瓜上，未必令你可以直接品尝到高汤既味道，但小编都尝试将其高汤直接响舌尖上品尝，味道清甜! 而重点系高汤可以令煎苦瓜时所带来既油腻味完全中和，品尝苦瓜既时候唔会有太过苦既情况。酿苦瓜方面，本身苦瓜可能已经彻底清走苦瓜籽既关系，唔算太苦；同时虾胶系完全打烂虾肉个种，所以会以比较黏身既状态出现，但煎熟后，食起黎都算爽口。
耶加雪夫既咖啡本身都系以花香为卖点，而冷泡咖啡既好处就可以将多层次既咖啡香味充分散发出黎，所以当就咁饮耶加雪夫个阵，你唔会只系饮到所谓既酸味或者苦味，细味之下会饮到佢地既花香味! 当你食完苦瓜后，饮1啖咖啡就可以为你带黎先苦后甜既体验。第3道菜式为[咸]「葱油鸡﹑黄金炸饭球」，配肯亚手冲咖啡。
店员上碟后都介绍葱油同咖啡之间会有特别既融合效果 - 当平实既肯亚咖啡加到葱油个阵，原来会令葱油出现种少少刺激味蕾既反应 (系咪好似花雕酒咁就唔肯定，但的确会有少少似叹酒个阵饮入口个刻既感觉)。
葱油鸡系由鸡脾肉为主 (抵食!)，所以稍为煎香既鸡肉好嫩滑而香口；而小编觉得整道菜既重点系在于黄金炸饭球! 据大厨Joe所介绍，佢既理念系将饭球炸到类似意式个种，但饭球内唔用西式既芝士而直接用中式既咸蛋黄，希望做到类似既效果。而事实上小编食完都觉得呢个想法非常配合，真系好好味。
最后1道菜式为[甜]「焦糖西米布甸﹑红豆」，配冷泡埃塞俄比亚耶加雪夫咖啡。
上枱个刻大家都好惊喜系用砂煲去直接焗西米，而唔系用锡纸盘再整 (一来成本问题﹑二来用砂煲去焗需要好多空间)。当你以为利用砂煲可能会令西米布甸底部会㶶个阵，食个阵完全唔觉!反而因为佢用砂煲令布甸内整体热力都几均，唔会话表面会冻哂而个心仲系好烫口。到呢刻，耶加雪夫咖啡既威力唔系要同西米布甸斗甜，而系响食完甜品后，可以稍为中和一下太甜既感觉而又唔会因为咖啡苦涩而有违和感。
究竟呢个「一个人原来都可以尽兴」$238既套餐抵唔抵食？小编就觉得非常抵食! 基本上$238如果响一般既中西餐都未必做到4道菜，仲要包最多4杯咖啡既组合。小编都非常期待Nutmad会认真考虑将期间限定既餐单常规化，令更多既知音人都可以体验到大厨对咖啡应用于不同食材既心。
一个人，其实原来体验食物之间既融合都可以咁尽兴。
张贴
