鼎皇臭臭鍋 (已結業)

认真超级推介呢间一人火锅店!!!佢一共有八款口味,我试咗三款都超级正最令我钟意嘅系啲汤底，真系超好饮!!! 特别大赞药膳羊肉锅，药膳汤底系深啡色𠮶种，唔系黄色透底𠮶种， 虽然系希嘅，但系饮落去饮好足料，甘甜得黎，唔会一味得个苦字，又唔会唔够苦， 而且冇油喺面㗎，直情饮到想净系就咁饮个汤底hahah蕃茄汤都系好正，唔似谭仔𠮶啲茄膏酱嘅味，亦都唔系𠮶种好浓好杰嘅蕃茄汤，系饮落去蕃茄味 唔会太酸唔会太咸，啱啱好， 仲好饮过阿妈煲𠮶种～另外仲嗌咗个招牌臭臭锅 我自己个人超级钟意食呢个,佢𠮶种臭臭味就系类似旺角街边𠮶啲臭豆腐嘅味道，如果钟意臭豆腐真味就一定要食！ 而佢好嘅位系佢唔会好似𠮶啲臭豆腐咁干争争，而系饮落去都会有淡淡嘅臭豆腐味，就好似大陆嘅臭豆腐咁正，钟意食嘅话一要试呢个!野食都唔失色, 首先我钟意佢个面底, 系类似粉丝嚟嘅,但系弹牙啲爽口啲。 𩠌菜都唔系净系得鱼蛋肠仔𠮶种敷衍你，有砚，有猪红，鸭血等因应锅味衬埋嘅分量都ok, 如果好大食嘅话可以升级加廿零蚊要个卤肉饭或者酱咸鱼饭认真觉得呢间嘅火锅好有特色,第二度食唔到 所以一定会返嚟再食 而且唔系贵喺尖沙咀黎讲 百零蚊一个一人火锅认真抵