銀咖哩 (已結業)

银咖哩 本身我都几钟意食既食物本身有质素既今次个post唔系讲食物，系讲个服务。系讲将军澳东港城果间银咖哩真系连麦记都有服务过佢😑仲要唔系其他员工而系个黑色衫既员工（可能系店长）带头比气客人受买野食果阵我都企正系佢面前（佢系收银位），但系望左我一眼就另转头同其他员工吹紧水😑讲紧咩绿茶蛋糕，讲紧咩用野食去换，讲紧咩攞多杯汽水比佢换.......咁其实佢用公司既野去换其他野食返黎，系佢既事...但我身为客人虽然唔系大晒，不过都唔系企定定咁耐都无人理我挂....我咁大个人企系到 佢唔会见唔到我挂....好喇到佢终于望住我，但系佢又哑既，都系我同佢讲：我要xxx餐 攞走 佢应一声都无 净系：34蚊丫 （当时已经另转左头同佢班同事倾计）我同佢讲 ：8达通丫唔该再一次佢又无反应，继续倾计...我唯有再一次：8达通丫唔该... 都无理我过多几秒佢终于拎返转个头望一望我，见我手拎8达通，我先见到个8达通机出现「34」蚊就算到最后佢比张单我既时候，都系无眼神接触的，继续同同事倾计......究竟我点解要贴钱买难受？