本家韓國料理

营业中

休息中

肠胃唔好嘅人想挑战食酱油蟹，屋企人就推荐食呢一间，仲话系酱油蟹嘅天花板。不过呢间餐厅booking好full，要提早半个月前book定枱，而且电话都唔一定打得入㖞，真系睇你𠮶日好唔好运。🍄生米酒，屋企人超推，但我嫌酒味重，饮咗一啖就放弃咗🍄好多碟嘅前菜，不过得泡菜可refill🍄叫咗个一牛一猪套餐🍄酱油虾🍄酱油蟹店员会问系几多个人食，跟住帮手拆肉，再塞返啲饭入去。我哋𠮶晚有四个人，得两个蟹壳，佢会额外再攞多两个细碗仔嚟装啲饭喺帮手拆紧蟹肉嘅同时，另一位店员就先帮我哋烧住牛肉先。🍄按照佢哋介绍嘅步骤点返啲酱，粒牛超级好好食！🍄辣八爪鱼加素面，两样野都好割裂😅😅🍄猪肉，有人帮手烧系零舍好食啲🍄后来加咗个生菜，印象中佢都唔平，但有好多块菜呢餐饭埋单人均都要成六百零蚊，都真系唔算平⋯⋯但对于初试酱油虾酱油蟹嚟讲都安全可靠嘅。