影片
更多
2022-11-09
640 浏览
Sukiyaki Lunch Set $580 牛舌 +$100 寿喜烧选用近江和牛，分别系西冷同肩胛2个部位: 西冷油花平均，肉质较软腍；肩胛则肉味较浓，纤维感较重。牛舌亦有2种口感，一款较薄身爽口，另一款较厚，比较似牛舌芯，较软腍，但不失弹牙嘅口感，好好食😋配菜方面，有冬菇、大葱、洋葱、皇帝菜、豆腐、芋丝等。配菜全部都用寿喜烧汁汁煮，好入味，当中芋丝吸收咗寿喜烧汁嘅精华，再炒至干身，好食！Main Course最后会有滑蛋牛肉饭，蛋味香浓，加上煎香嘅牛肉粒，配上烟韧嘅日本米，湿湿润润，想一啖接一啖😆前菜：烟熏茄子烟熏味太浓烈，食完以为自己食咗5枝烟😅蒸物：紫菜蒸蛋蒸蛋滑溜，但以紫菜作调味略嫌过于普通。渍物：青瓜及梅干面豉汤：赤面豉汤味道同平时饮嘅面豉汤唔同，饮落带有少少药材味，个味一言难尽⋯⋯甜品：榛子雪糕〰️〰️〰️〰️〰Sukiyaki Set嘅主菜：和牛、蔬菜、滑蛋饭都高质，但前菜、蒸物、渍物等都好一般⋯⋯不过最主要系食寿喜烧，所以其他嘢差啲，我都接受到嘅。师傅煮之前会话你知佢将会煮咩肉，同埋会跟返你食嘢嘅速度嚟煮，唔会未食完一碟又上另一碟咁，唔会chur你，会比你慢慢食，所以餐厅一
牛舌 +$100
寿喜烧选用近江和牛，分别系西冷同肩胛2个部位: 西冷油花平均，肉质较软腍；肩胛则肉味较浓，纤维感较重。牛舌亦有2种口感，一款较薄身爽口，另一款较厚，比较似牛舌芯，较软腍，但不失弹牙嘅口感，好好食😋
配菜方面，有冬菇、大葱、洋葱、皇帝菜、豆腐、芋丝等。配菜全部都用寿喜烧汁汁煮，好入味，当中芋丝吸收咗寿喜烧汁嘅精华，再炒至干身，好食！
Main Course最后会有滑蛋牛肉饭，蛋味香浓，加上煎香嘅牛肉粒，配上烟韧嘅日本米，湿湿润润，想一啖接一啖😆
前菜：烟熏茄子
烟熏味太浓烈，食完以为自己食咗5枝烟😅
蒸物：紫菜蒸蛋
蒸蛋滑溜，但以紫菜作调味略嫌过于普通。
渍物：青瓜及梅干
面豉汤：赤面豉汤
味道同平时饮嘅面豉汤唔同，饮落带有少少药材味，个味一言难尽⋯⋯
甜品：榛子雪糕
〰️〰️〰️〰️〰
Sukiyaki Set嘅主菜：和牛、蔬菜、滑蛋饭都高质，但前菜、蒸物、渍物等都好一般⋯⋯不过最主要系食寿喜烧，所以其他嘢差啲，我都接受到嘅。
师傅煮之前会话你知佢将会煮咩肉，同埋会跟返你食嘢嘅速度嚟煮，唔会未食完一碟又上另一碟咁，唔会chur你，会比你慢慢食，所以餐厅一日接唔到好多booking，冇限你坐几耐之余，佢又得12个位😅 所以咪咁难book位啰~
店员嘅服务唔系差，不过就冇日本𠮶种好真挚嘅感觉，同埋佢好似对于个set唔算好熟，因为我听唔到师傅讲牛肉嘅咩部位，我问返佢，佢都要入去问返师傅😅
〰️〰️〰️〰️〰️
食物: 4.5/5
消费: 5/5
环境: 4.5/5
服务: 4.5/5
Revisit: Yes
张贴
