居食屋「和民」 (已結業)

闲日午餐时段去食， 喺门口揿钟等带位， 侍应明明见到我哋， 但就系不瞅不睬， 不徐不疾， 好似冇谂过要理我哋咁。由于经过上次等极都未有炉嘅经验， 所以难得经理帮我哋落单， 先向佢查询一下会唔会好耐都未有， 得到佢嘅confirm先叫， 结果转个头就上。个卖相就系非常之唔错， 但真系差紧啲嘢， 就系冇咗个煲盖， 所以啲汤等极都未滚起。 食物方面， 每一样嘢都系差唔多啰， 牛肉好过火锅cheap cheap肥牛少少 ， 但系又唔会令人太过惊艳， 同埋一啲唔系太贵嘅菇，菜，豆腐咁， 加多一个乌冬质饱你。 之不过个汤， 超级咸， 超级多味精。 其实佢98蚊再要加一， 都未必及得上吉野家。牛舌饭系图文不符嘅一个范例， 佢系菜单上面个样唔系咁㗎， 系最厚切一啲， 然后铺满成个饭。 呢个有零星嘅感觉， 不过佢好在边有少少焦浓。