嘉蘭娜餐廳 (已結業)

约了个靓女朋友来食tea﹐当然唔会同她食猪扒喇﹐话同她去世贸的Spaghetti House (有海景)﹐她都话唔好﹐咁唯有呢间喇﹐环境靓﹐装修好﹐食物就﹕so and so 喇。下午茶餐有几款选择﹐都系40几元到50几元起﹐另外有个二人Premium High Tea﹐内容几吸引﹐就叫左。呢个Premium High Tea系用传统的三层架盛住﹐不过个架上来明显系Cheap野﹐玻璃同个框都几丑样(见图)。至于食物﹐亦是普通过大西洋加太平洋﹗上层是曲奇饼几块﹐中层有鲜果挞和芝士蛋糕﹐第三层有蜜瓜、三文鱼卷和炸鱼柳﹔份量可以﹐但唔系好新鲜﹐亦唔多美味﹐非常普通。这令我想起年前去曼谷Regent Hotel的High Tea﹐那种气氛、服务和食物的质素﹐真系冇得比。可惜早两个星期再去﹐Regent 已经改左名叫Four Seasons﹐所以miss左﹐唯有寄望下次喇。