菜香齋素食館 (已結業)

今天晚上将有家庭饭局, 2位阿姨率先于下昼铲上我家, 小hae几粒钟. 登门造访, 手信就梗架啦, 佢哋为我准备了一个不'肉'午餐!买了以下几样嘢:斋烧鸭, 1份10蚊鸡, 大家一致认位败北, 皆因佢系淋嘅! 脆皮系烧鸭既必备条件啦, 唔理佢系有血有肉𠮶啲抑或净系得层皮𠮶啲啦.斋鸭肾同酸斋, 1份15蚊鸡, 呢份唔错, 斋鸭肾有咬口而个酸斋亦够酸. 汁亦不会过多, 唔会成'劈'嘢咁. 可以!罗汉斋炒面, 小弟夹了少少料嚟食, 不太油, 味道清清哋, ok的! 但要38蚊, 小弟觉得都几贵㖞!芝麻卷, 1碌3.5蚊, 正常价. 但几有芝麻味㖞! 食落感觉到有落足料, 有啲似唔溶喺手即溶喺口既芝麻糊咁, 出色!仲有斋粉果, 又系3.5蚊1只, 小弟冇试到, 但睇落佢个皮都几厚咁. 由于冇食, 故废事乱噏, 告白状.终合嚟讲, 系唔错既! 味道不太浓, 冇味精, 不油腻, 附合健康标准. 要知道'笨'唔系好多斋舖能做到此效果的! 间唔中不'肉'吓都几过瘾嘅, 始终1支公有时系'斋'啲架啦!