十十川滬料理 (已結業)

好耐无写食评，年尾的日子就当然是找人聚下的时候，收工之后去了极多人的朗豪坊，food court劲多人排队，好彩有朋友帮忙准备，去了旁边的「十十」，去到时门口都有人等紧，但好贴心的有椅可以坐，不过，有订桌就当然可以直入。接近年三十，当然来了一个扮团年的餐，食餐的好处系平少少又唔驶谂，第一个上的麻椒鸡，有少少惊喜的，平时都系口水鸡为主，但呢个就有些不一样，至少无咁油，同埋鸡都算系滑的！小笼包拼盘，嚟到一打开，四只不同色，同朋友估估下去试，个酸菜鱼味小笼包是得意的，一试无妨，唔驶成日都系传统feel。至于个水煮海鲜，表现就一般般啦，但整体海鲜系新鲜的，但可能食得辣的人，嚟到要叫大辣，点了个中辣就略嫌唔够辣，哈！个炒花菜反而有惊喜，平时唔太会食，贪佢个名叫嚟应下节，反而炒得够镬气，有惊喜的！最后，仲有甜品，呢个反而系意外惊喜，上到嚟热辣辣的，仲出紧烟，奶黄香味劲大，仲有少少细菠萝粒，呢个配搭第一次试，但几正！整体环境都舒服，虽然在food court旁，但都唔觉得嘈，不错！