武士拉麵 (已結業)

下午两点要去九展附近嘅客户度开会，于是13:00 就嚟到九展睇下有咩食， 点知间间餐厅都大排长龙， 行咗一阵，终于畀我揾到呢间唔算喺当眼位置嘅武士拉面。叫咗个元祖武士拉面，先试下个汤底，有浓浓嘅猪骨味， 面质我就钟意食硬，叉烧嘅林度都适中，又唔肥。 我仲落咗大量嘅拉面胡椒粉， 同汤底好夹。另外，呢度午饭时候会送两只饺子。有少少建议畀返舖头考虑，由于我系坐 bar 枱，吧枱张櫈嘅高度好似有啲问题。 我都算高，但坐低只脚又只系啱啱掂到地，好似吊住嚟坐。咁如果我将只脚放喺中间𠮶架踩住，𠮶架又似乎细得滞，放唔落两只脚。 搞到我餐饭都食得唔系咁舒适，希望下次再帮衬时有改善啦。