但馬屋 (創紀之城五期(apm))

营业中

休息中

今日天气开始转返凉，而且加埋毛毛细雨。打边炉可以话系不二之选。想打边炉但又唔想晏昼打。喺呢个环境之下唯有叫外卖。今日点左日本产黑毛和牛北海道梦之大地豚组合。原价$169，用某个外卖app落单享有$154优惠。本身我谂住呢个套餐会唔够饱，但少年我真系太年轻了。分别有一盘八至十片黑毛和牛，再搭多有一盘豚肉同鸡肉。然后仲有一盘蔬菜搭杂丸嘅组合。拎出嚟嘅时候我都打咗个突。随餐点仲送饮品添。今次我点左药膳麻辣锅。餐厅亦都好贴心咁样俾咗酱料拼盘，分别有蒜蓉，辣椒，葱同埋芫荽。酱汁方面就分别俾咗两支芝麻酱同酱油。仲有多个乌冬添。和牛牛味都好香浓。豚肉就一般般。鸡肉都唔似坊间打边炉咁样鞋恰恰。整体来讲我系食唔晒。价钱都好优惠。可以一餐当两餐食。但系如果酱油俾多一两支会比较好啲。因为食到后段已经冇晒酱油点啦。希望餐厅系呢方面可以改进一下啦。