Bar Bleu (已結業)

返工真系令人身心疲累，每日放工最期待就系用美食慰劳自己个胃，中环呢间法式开酒馆，简直系我嘅饭堂，最欣赏大厨用料新鲜又优质，每次新菜式都有惊喜.今日胃口好好，先由厨师推介点了呢款鳕鱼，鱼肉煎到非常嫩滑，个汁超清新，仲带咸香矜贵鱼子酱放面，底下系爽嫩白芦笋.到另一款带子配千层薯仔，带子煎过，而个千层面其实系薯仔嚟，仲有羊肚菌再加入法式醋汁去煮，整体味道层次丰富.最后点少得叫番个甜品，朱古力挞配海盐雪糕，朱古力用咗70%甜中带微微苦系我最钟意甜度，雪糕带咸配上70%系最佳配搭