九龍城寨墨魚丸專家鮮魚湯粉麵 (已結業)

点咗鸳鸯墨丸墨汁面。墨汁墨鱼丸味道都浓郁，食完又无成口变黑㖞。传统白色墨鱼丸望落就无乜特别咁，但系食落就非常好味，好弹牙有咬口，墨鱼味都足够，相对墨汁墨鱼丸，我更加欢喜传统白色嘅味道。墨汁鱼面都比较特别，颜色望落去就真系黑蚊蚊嘅，同墨汁墨鱼丸颜色一样。同墨汁意大利粉有异曲同工嘅感觉，当然食入口系有分别。墨汁意大利粉本身质感更加烟韧，部份餐厅甚至会煮到8-9分熟，保持少少唔透心嘅口感。墨汁鱼面比普通面较粗，入口软软滑滑，保持鱼面嘅texture。