INN - I’m Not Nothing (已結業)

餐厅以白色为主调，装修别致走简约宫廷风。虽然餐厅唔算好大，但餐厅环境清新、简约，令人舒服。食物方面选择都唔少，有小食、意粉、意大利饭、牛扒、猪手、羊鞍、甜品同饮品等等...食物嘅摆盘靓，而且食物质素都唔差。澳洲肉眼扒8安士配薯菜牛扒表面煎到深褐色，带微焦，肉香四溢，牛味香浓，搭配新鲜炸起嘅薯条同沙律，味道唔错。榛子朱古力香蕉棉花糖忌廉班戟呢款班戟系最多人order嘅一款甜品！卖相相当吸睛，班戟大大片，皮薄馅正，班戟有香蕉、棉花糖、脆脆嘅椰子片、香橙干嚟装饰，咬落去烟韧，榛子味浓郁，果然冇令人失望！士多啤梨蓝莓奶昔混合蓝莓同士多啤梨搅拌而成，入口顺滑，冇一般奶昔嘅甜腻，每一啖都饮到蓝莓同士多啤梨嘅果味，味道天然。