Kale (已搬遷) 新店位置

放假中午先出去铜锣湾，早餐都无食，街度人潮汹涌，所以揾咗呢间楼上店食Brunch，在一座新型大厦22楼，但令人好迷茫嘅系，地下大堂显示22楼系另一个英文名，好犹豫上到去，门口先见到我要揾嘅餐厅banner，入内几惊喜，水泥色墙壁加高楼底，唔嘈杂，仲有一套打band嘅鼓放在近门口，加上黑铁架吊灯，好有听歌餐厅嘅感觉！近窗有一张灰绿色大梳化，可以坐三枱客，店员系英文人，安排我坐梳化中间，无两边咁好，因为两边可以用梳化角位望到后面嘅马场境！西式餐牌好简单，有中英对照，食物款式唔多，所以好快落单，店员要负责水嘅打沙冰！蟹饼汉堡配蕃薯薯条（$118）卖相几靓，好喜欢佢个竹织嘅鸭仔篮，汉堡已经好妥善咁用纸包好，打开个汉堡好多层，面包有芝麻面，好松软！蔬菜新鲜，牛油果够熟，好软好滑，蕃茄多汁，生菜爽脆，吉列蟹饼好浓味，蟹肉好香！加埋一齐味道好夹！蕃薯条好特别，比薯条烟韧，好甜，加啲茄汁吊味仲正！甘蓝香蕉苹果蓝莓果露（$30）好惊喜，眼见绿色一大杯，仲有啲菜碎，即刻好惊会饮草青汁，点知好惊喜嘅只有青菜嘅清新，但又无涩味，苹果味突出啲，香蕉同蓝莓就唔觉，中央夹杂啲冰碎，好冰凉清新！食品好味，店员好好笑容