巴辣仔烤魚雞煲 (加連威老道) (已結業)

好耐无食烤鱼，本身想约朋友食，但发现原来巴辣仔午市有一人烤鱼食，所以特登自己一个人嚟食。一人烤鱼有花鲈鱼同沙巴龙趸可供选择，本身谂住食花鲈鱼，但当日就只有沙巴龙趸，价钱就贵少少，要$138。 落单后等咗几分钟烤鱼就上枱，虽然系一人份量但其实都几大盘。烤鱼用炉烘住，汤底滚到出晒烟热辣辣烤鱼有先炸过先放入盘同麻辣酱汁一齐煮，所以食落鱼皮香口，里面鱼肉嫰滑无腥味。沙巴龙趸够厚肉，好容易就夹到啖啖鱼肉食。将鱼肉蘸麻辣酱汁食好惹味，而且酱汁重口味得嚟唔会太过味精，主要系麻辣嘅香料味。配料方面有芫茜、大豆芽、豆卜同海带，几款都系好吸麻辣汁嘅材料。烤鱼可配白饭或薯粉，我拣咗薯粉。薯粉系放汤另上，几有诚意。我想食辣啲所以将薯粉放落煮下先食，索晒啲麻辣汁好好味薯粉份量好多，所以最后食剩咗少少。整体嚟讲烤鱼好味，沙巴龙趸新鲜又厚肉，而且份量大。一个人都可以食到好味烤鱼好开心。