BRICK LANE Deli (已結業)

第一次嚟，事缘系朋友话佢嘅食物味道唔错。喺门口望下餐牌，见佢午餐都大概有十几款，应该点都拣倒嘢食嘅。。。结果唔系无嘢啱食拣唔倒，而系有3个餐都想食，唔知改弃边两样啫最终拣咗是日鲜鱼配蔬菜马铃薯，贪佢有神秘感，希望上枱时有惊喜。点餐系要自己行去，午餐配沙律同饮品(我叫咗英式早餐茶)，买飞后就可以坐低等侍应送餐。沙律细细碗，菜都新鲜嘅，不过啲油醋汁好酸。主菜上枱时真系有惊喜，旧鱼好大块，连皮一齐炸，连啲配菜都系煮得啱啱好。鱼只系用盐腌咗，点少少沙律酱已经好好味。英式早餐茶系川宁牌，我觉得茶味淡咗啲，可能我真系饮得好浓嘅茶。呢个餐$98，无加一，餐厅亦无特别催促或者限时，令我有个愉快假期，性价比赢晒。