串燒燒烤專門店 (已結業)

今日放早，早左成个钟个friend先出到黎同我去买波鞋，未到时间一条友最初谂住食个下午餐，行左几间茶餐厅都唔知想食咩。anyway，最后决定系试下一人串烧。餐厅布置好舒服，所有嘢都系黑白为主再用红色做highlight，餐台，餐牌，盐同胡椒粉樽，连墙身嘅画都系黑白红三色。非常细心的设计，值得欣赏！串烧选择好多，我专登拣啲细份量啲嘅，精心挑选之后order左三碟，有香草牛油烧花甲，海盐烧濑尿虾同秘制大葱鸡串。先讲花甲，虽然花甲唔系好大但系连同青椒红椒一齐烧系真系唔错，同泰国啲烧唔同，呢度无同酱料一齐上，相反地咁先食到新鲜嘅花甲味。烧濑尿虾系我今个下午茶嘅最爱，濑尿虾超级大只，厨师烧得刚刚好，啲肉好好食，好实，由于濑尿虾size唔细，都几多肉食下。我加左啲胡椒一齐仲香啲添！最后轮到饱肚啲嘅大葱鸡串，同样地厨师烧得刚刚好，大葱咁烧法都系第一食，加有小小盐盐嘅酱料味，鸡肉连同烧到香口嘅大葱一齐食落口，好夹，值得一试嘅。