南龍冰室 (已結業)

外表望落去好怀旧，入到去就系一间，富有怀旧装饰嘅新式茶餐厅！大约两点钟去食客都尚算多，我都系一个人搭枱坐,打开个Menu都几多选择，当见到隔离食客，食紧意粉(仲要系全碟清左)我就叫咗个巨人吉列鱼柳扒意粉（可配饭），我拣咗洋葱汁(可拣黑椒汁、烧汁丶洋葱汁、茄汁或豉油汁)，冻咖啡。落班唔够几分钟，先来杯冻咖啡(少甜)，有咖啡香味但系唔算浓，茶餐厅来讲算系合格。再过一阵，主角意粉终于到喇，果然系大大碟，卖相就唔算靓，胜在够热， 鱼柳都几大块，先捞一捞意粉同埋个洋葱汁先，酱汁均匀之后先试第一啖，酱汁浓淡适中，洋葱同意粉唔会煮得太淋，之后一口咬落块大大鱼柳，好香脆肉质唔错，除将好薄好脆口，最后呢碟意粉嘅结果系...俾我清晒铜锣湾茶记来讲，午餐＄51有大大碟意粉，（+$3）冻饮，没有加一，价钱都算合理。（下午茶时段，数款炒粉面都系40几蚊左右，就更抵食！）听隔离枱食客讲，炒粉面味道仲正，真系要下次再嚟试吓先！