台北人 (已結業)

一个人食晚饭，喺黄埔沿路睇下有咩可以买返屋企食~ 经过见到呢间台北人， 装修几别致，有便当同台式小食，卖相几正咁🥰店员介绍话有3款新便当，包括鸡丝，腩肉同花枝扒，我拣左花枝扒便当，仲叫左个芝士火腿粟米蛋饼，买便当仲会送冬瓜茶，都几抵！花枝扒即叫即炸，确保热辣辣，一咬好香脆，花枝爽口弹牙，好惹味🤩便当里面有3款配菜同半只卤蛋，望住店员好有心机咁砌靓靓，诚意分满满☺ 一个便当都几大份，我可以分两餐食都得😂蛋饼都系即刻整，见到佢都落足料，仲帮我切开几件方便食~ 蛋饼皮薄身软熟，芝士火腿呢个配搭冇得输，加埋粒粒粟米，有口感又好食😋食完热气野饮下冬瓜茶清热都几好，甜甜地易入口！