CoCo壹番屋 (已結業)

日本咖哩其实一向唔系吸引到我既食物，亦唔明白点解会咁贵一碟饭，本身冇谂过会入来食，不过今日一早就番公司开会完全冇食野，下午茶时间都到喇，经过见冇乜人就决定入去试试啦！实在饿到谂唔到野！环境又几舒服既，落地玻璃，木质台凳，完全乎合日式西餐厅风格。睇睇餐牌，都几多选择，虽然全部系饭，但全部都望落好好食咁，今日饿太耐，都系拣番d冇乜刺激既口味，所以拣左温泉蛋鸡肉汉堡秋葵豆腐咖哩饭！卖相同相片一样咁靓，鸡肉汉堡有软骨粒，咬落好有口感，温泉蛋都做得出色，秋葵豆腐就淋左d, 咖哩汁够香，整体都唔错！ 不过我冇追加其他前菜or饮品，一个饭埋单已经90几蚊，抵唔抵食就要衡量了！