Chef's Stage Kitchen (愉景新城) (已結業)

今晚老婆要出trip, 得自己一个人食晚餐,要对自己好啲，所以走咗去商场揾咗间唔错的餐厅食一个人的晚餐。这里二人坐位比较多,每张枱面都有樽开水,觉得咁样较方便客人。望下餐牌,有好多唔同款嘅扒类,头盘及小食。我叫了D 餐炭烧谷饲澳洲肉眼牛扒伴薯菜 叫了3成熟。配了烧汁薯菜,而薯菜可拣粗薯条,鲜薯蓉或焗薯。我就拣了薯蓉。首先嚟个餐汤加餐包。餐汤好浓稠,好香磨菇味,餐包好香香草味,暖暖的好好味。主菜嚟啦，榖饲牛扒有2 件,都几厚身,牛扒煎得很靓,只是表面熟了里面还带红色,3成熟,所以,都容易切开,而且食落去仲有肉汁,唔靭,够嫩滑,配埋烧汁,感觉唔错。薯蓉好香滑,好香薯仔味,没有粒粒,好正。最后叫咗杯涷柠檬,涷柠茶好大杯,柠檬都是厚片的，茶味唔涩，饮埋杯餐茶真的好满足。 一个人食饭都唔错啊…哈哈。