魚心日本料理 (已結業)

今日一支公食饭，一于对自己好D，去左鱼心日本料理食野。叫左炸芝士薯波，吉列猪扒滑蛋丼饭，带子寿司。不得不说呢度嘅芝士薯波系我食过当中最正既，因为佢地块皮炸到好香脆，薯蓉好细滑，芝士够香浓。带子寿司重正，鲜甜嫩滑有咬口。但系个吉列猪扒滑蛋丼饭先系全餐最正，吉列猪扒个脆浆做得好好，唔会肉还肉皮还皮，又吾会一入口就成口粉浆，炸猪排嘅时间控制得啱啱好，入口D肉汁爆出黎，唔会靱到咬唔开。个滑蛋汁都好正，洋葱味道够甜，蛋口感又够滑。