華輝餐廳 (已結業)

一个人的浪漫呢家野，梗系要o系茶记寻找，除左豆腐火腩饭，干炒牛河亦是至爱 是日又黎华辉，不过今次系试佢D炒河。训到日上三竿，我的早餐就是别人的午餐。一起身就黎个干炒牛河，会唔会有D过份左？ 稔真，其实都唔会，只因令到自己个肚子感觉满足绝对系一件正经事餐包个「干炒牛河」、「中式例汤」，餐饮叫左杯「冻奶茶」。话甘快，碟粉河就送到。见到真系几干身，油份唔算好多，用筷子捞起时，个牛河冒白烟，真系即炒好新鲜。食炒河又点可以无辣酱，初时觉得个辣酱俾得少，但后来落晒之后，可能因为个河粉好热，加埋D辣酱本身都属于辣果只，岩岩好。河粉属厚身果只，食落有质感，豉油都几均匀，河粉入味，牛肉都算多，如果银芽同葱再落多D甘就更perfect喇 !清晒成碟粉，仲饮埋个汤同奶茶，爆晒早、午餐热量quota，不过，好满足。