星巴克咖啡 (已結業)

好多时候都钟意约上朋友到处逛到处饮饮食食，但系今日我只想自己一个，只想安安静静享受一个温暖既下午。一边听住歌一边散步，无意间见到一条长长既楼梯，哩个就系TVB拍剧经典取景地：谈心阶梯，仲有四盏香港仅存既历史悠久既煤气路灯，真系别有一番风味。阶梯隔离有个醒目既招牌，星巴克，早就听讲哩间星巴克装修与别不同，就等我去睇下有几特别 里面既环境系中西结合既，除咗星巴克本有既西式风格外，仲有香港传统冰室既布置，令人每行一步都有惊喜，各种怀旧既物品，各种令人充满回忆既场景，好有情调，令人情不自禁攞起手机拍下眼前既一幕幕，更有唔少摄影爱好者特登过黎拜访。一定要点红豆钵仔糕，只有哩间星巴克有，一次尝尽哩间分店既特色，钵仔糕红豆好多，用料十足，好有以前细个食既味道，加上怀旧既场景，食起身更有一番风味。在场人士多数都系以摄影为主，只有少部分系坐落来饮野倾计，感觉哩道系一个博物馆之余，又系一个舒适既cafe。一个人既下午，咖啡，钵仔糕，可以静静地发呆，感受身边既场景，也是一种浪漫····